【南瓜炆飛排】~yummy~~~~~

上星期煮左個好食唔好睇o既 【南瓜炆飛排】
南瓜o既好處真係多到不得了.. 雖然佢好甜, 但係偏偏對糖尿病好好..
對高血壓, 哮喘, 久咳都有幫助... 營養價值真係幾好架...

好多人都問, 咩野係....'飛排'
飛排好似係豬扒同一字骨中間果part... 總之點煮就好淋.. 係R先生o既最愛..
*不過最好去相熟肉檔買... 因為......我都比人呃過2次!! 激死人...

所以.. o係樓下肉檔買..我先最放心...

【南瓜炆飛排】

材料: 南瓜, 飛排, 蒜頭

醃料: 胡椒粉, 紹興酒, 生抽, 麻油, 生粉, 水

做法:
1. 飛排沖水去羶味, 洗淨抹乾, 落醃料, 醃15-30分鐘
2. 南瓜洗淨, 去籽..切塊, 備用 (其實南瓜唔去皮會好d, 無咁易爛, 營養都好d, 不過我旨R先生唔食, 所以都會去皮)
3. 燒熱油鑊, 爆香蒜頭, 落飛排煎香至表面金黃, 撈起備用4. 落南瓜, 加小小水, 轉中火, 煮至南瓜軟身5. 落飛排, 炆至淋身熟透

*有人喜歡加豆豉增加香味, 但係K小姐本身想食到南瓜o既原本味道, 所以唔加喇..

haha~慳妹K 第2朝將用唔晒o既南瓜煮左個南瓜粥做早餐..heheee..好味~健康*!!

去我個FACEBOOK PAGE睇更多UPDATE啦~~