叉燒醬排骨* :)

叉燒醬排骨*  R先生大讚呀..HEHEE~~~

材料:
李錦記叉燒醬, 排骨 / 金沙骨麥芽糖 / 蜜糖 , 紹興酒, 生抽, *生粉
鹽, 糖, 水, 油 

做法:

1. 先把排骨沖水, 因為如過汆水的話會令排骨太硬, 所以用沖水o既方法去咁d豬肉o既羶味2. 排骨洗淨抺乾, 落叉燒醬, 紹興酒, 生抽, 鹽, 糖, 水, 油 先醃15分鐘左右, 再加生粉撈勻, 醃最少2 小時3. 平底鑊中加入油加熱, 加入排骨煎香, 煎好後撈起備用
    *記得唔好用炒o既方法, 要煎先可以保留住肉汁~ 仲要記得留意, 因為有醬汁o既關係會容易燶~小心小心..

4. o係平底鑊加入一匙叉燒醬, 小小糖, 小小水, 有小小滾就落排骨兜勻, 加多小小水炆一陣,至排骨熟透

5. 最後加入麥芽糖 / 蜜糖 調味, 煮至收汁, 上碟~~
    *K小姐喜歡用麥芽糖多d, 因為味道較香~~~ 同埋不建議用生粉水埋芡..無咁好味o架~

     嘗試盡量自己控制水份, 寧願逐d加, 都唔好一次落太多搞到水汪汪.. 呢個汁太稀唔好味..        呢個汁做得好的話, 撈飯真係一流

其實呢個recipe 已經爭左人2日... 有好多朋友問點整..有個friend話本身已經買左排骨..但係等唔到我份食譜, 最後整返豉汁蒸排骨..(令我有d唔好意思)...sorry~~~sorry 
皆因R先生今晚起要出差, 所以前2晚都捉左我去睇戲..想陪多d我...haha... 

夜左返...所以無時間打recipe...係喇係喇...今次係我重色輕友喇

希望你地都快d試煮呢個*叉燒醬排骨啦~~

我地FACEBOOK見  https://www.facebook.com/kpigkitchen

【南瓜炆飛排】~yummy~~~~~

上星期煮左個好食唔好睇o既 【南瓜炆飛排】
南瓜o既好處真係多到不得了.. 雖然佢好甜, 但係偏偏對糖尿病好好..
對高血壓, 哮喘, 久咳都有幫助... 營養價值真係幾好架...

好多人都問, 咩野係....'飛排'
飛排好似係豬扒同一字骨中間果part... 總之點煮就好淋.. 係R先生o既最愛..
*不過最好去相熟肉檔買... 因為......我都比人呃過2次!! 激死人...

所以.. o係樓下肉檔買..我先最放心...

【南瓜炆飛排】

材料: 南瓜, 飛排, 蒜頭

醃料: 胡椒粉, 紹興酒, 生抽, 麻油, 生粉, 水

做法:
1. 飛排沖水去羶味, 洗淨抹乾, 落醃料, 醃15-30分鐘
2. 南瓜洗淨, 去籽..切塊, 備用 (其實南瓜唔去皮會好d, 無咁易爛, 營養都好d, 不過我旨R先生唔食, 所以都會去皮)
3. 燒熱油鑊, 爆香蒜頭, 落飛排煎香至表面金黃, 撈起備用4. 落南瓜, 加小小水, 轉中火, 煮至南瓜軟身5. 落飛排, 炆至淋身熟透

*有人喜歡加豆豉增加香味, 但係K小姐本身想食到南瓜o既原本味道, 所以唔加喇..

haha~慳妹K 第2朝將用唔晒o既南瓜煮左個南瓜粥做早餐..heheee..好味~健康*!!

去我個FACEBOOK PAGE睇更多UPDATE啦~~ 

好味健康早餐*

好多人其實都喜歡o係屋企食早餐. 但係又成日都 "唔知點解" 張床有無敵o既磁力吸住自己....
往往都起唔到身煮早餐....haha!!! 

K小姐都係一個懶人, 仲係一個好鍾意訓覺o既懶人...!!
不過我會用.."懶人方法" ~~haha

今次講呢個係其中一個我好鍾意o既早餐o黎o架~~
【蕃茄粟米通粉】又健康又好味...
*** 我計過... 只要早15分鐘起身就做到喇~~~ 唔信就試下o羅...


去我個FACEBOOK PAGE 睇下啦~~ K豬小廚房

＜咕嚕蝦球＞

有一日R先生突然order要食<<咕嚕蝦>>... OK~放工即刻飛去買材料~

材料: 中蝦 , 罐頭菠籮 , 青~紅燈籠椒, 紅辣 椒, 蒜 茸, 蛋 , 生粉
汁料: 茄汁, 白醋, 生抽, 糖, 水, 鹽
醃料: 鹽, 胡椒粉

做法:
1) 中蝦剪鬚, 腳, 去頭去殼 (鍾意的話可以唔去頭, 但係要剪去d角), 挑腸, 洗乾淨, 用小小鹽, 胡椒粉醃一陣
2) 菠籮, 青~紅椒切塊，紅辣椒切絲
3) 蝦醃好後~沾上蛋汁, 拍上薄薄一層生粉 (記住唔好太厚)
4) 蝦炸至金黃色~~撈起瀝乾油
5) 用小小油炒青紅椒, 撈起備用
6) 爆香蒜茸, 汁料, 將所有材料加入炒勻 (唔好加太多水, 咁就唔駛用生粉水埋茨啦~~~)


*記得一邊煮一邊試味~呢個"送"係要多d糖o既, 但唔好一次落太多, 寧願唔夠味再加
咁就完成喇~~~~~~~ enjoy~~~~~~

我地FACEBOOK見~~~ K豬小廚房

＜西蘭花金蒜炒帶子＞

＜西蘭花金蒜炒帶子＞
材料：西蘭花，帶子，蒜頭
調味料(1)：鹽，胡椒粉，麻油
調味料(2)：鹽，香菇粉

*d人成日話整完呢個餸，d帶子會縮到好細粒，問我係咪因為用急凍帶子所以咁。其實唔關事~~首先係唔好咁孤寒，買貴dd大粒dd就得我呢個size呢個份量買左$70，呢d真係唔會縮*
做法：
1. 西蘭花用少少鹽浸洗乾淨，切件
2. 帶子溶雪，加入調味料(1)，醃大概15分鐘
3. 蒜頭切細粒，但唔好切到蒜蓉咁細
4. 燒熱油，將蒜炸成金蒜，輕微金黃就好拎起喇～備用
嫌麻煩就買現成金蒜啦～
5. 將帶子煎至兩面金黃，備用
6. 西蘭花加入調味料(2)炒熟上碟，舖上已煎好嘅帶子，灑上金蒜完成

*有d人喜歡西蘭花先拖水後炒，但我寧願炒耐d都唔拖水，因為鍾意脆d *v*
我地FACEBOOK 見啦~~~ https://www.facebook.com/kpigkitchen
  

《木瓜燉雪耳》

天氣開始乾燥, 燉個糖水滋潤一下~~~*

HAHA..太心急要食~搞到張相都震晒

《木瓜燉雪耳》＊用料簡單~~又無咩難度~~趁假期整黎同屋企人分享真係唔錯~

材料:
半熟木爪, 雪耳, 杞子, 冰糖, 水
做法:
1. 木瓜去皮切小塊, 雪耳浸軟, 去除蒂既部分, 切小塊, 杞子浸洗乾淨備用
2. 煲滾水, 加入冰糖~~到適合自己既甜度
3. 將糖水, 木瓜, 雪耳, 杞子倒入碗中, 然後隔水燉60分鐘就完成架喇~~~

K Pig Kitchen個  Facebook page 有更多分享 :)

『蟹道樂』

又到食蟹季節*人人大閘蟹〜高呼膽固醇萬歲！

偶然放鬆一下，實在係寫意。
喜歡食蟹既人去到日本必食既『蟹道樂』

一去到完全無諗就一人叫一個最豐富既set，叫完之後有小小怕叫左呢個貴set..食唔晒。

但野食黎到之後完全將呢個想法拋諸腦後。

每一道菜都實在精緻又好食，試左唔同品種同來源用唔同煮法既蟹，勁新鮮勁好味勁甜。真係滿足到暈！

按一下呢度, 去我個page有更多分享~~~

*蟲草花炒芥蘭

清清地又好味既一個餸，Mr.R猛話好食。

做法十分簡單* 

材料：蟲草花，芥蘭，蒜

調味汁料：蠔油dd，水dd，糖dd

做法：

1. 蟲草花重複浸洗乾淨

2. 芥蘭洗淨，斜切到一片片

3. 調味汁料拌勻

3. 蒜落鑊爆香，加入芥蘭及蟲草花炒熟

4. 加入小小調味汁料，＜記得唔好落太多＞炒勻至收汁 :)

咁就完成啦！相當簡單嘅一個小炒。

蟲草花不寒不燥，有豐富蛋白質及氨基酸。煲湯、蒸野、炒野都可以落佢~~~

按一下, facebook見 :)

New home is here* K Pig Kitchen

終於開個新blog* 

Yahoo blog既停用其實都幾大影響

但又俾到個基會我接觸一下'blogger'

初黎報到，第一個接觸到'Blogger' 既好處係...有app~！太美好了！

唔駛下下開電腦先打到blog~~~呵呵！

我會慢慢up返d野上黎呢度〜要dd時間〜

你地可以睇住我個Facebook page 先啦〜*  "K Pig Kitchen"
https://www.facebook.com/kpigkitchen