清新版菜乾湯【菜乾紅蘿蔔排骨湯】

好多人放工會求其是但煮一餐~
但係K小姐盡量都會滾個湯飲下....老火湯呢家野就weekend先煲啦...

有 blog友問過~ 除左蕃茄薯仔湯仲有咩好選擇....

hahaha.. 咁就多喇~白菜豆腐湯..節瓜咸蛋湯..蕃茄魚湯...等等...
但係.. 都好似有d悶呀可....

果日, 用左 30mins 完成, 又好夠味既 【菜乾紅蘿蔔排骨湯】...
好快手.. .又好味... 當係多個選擇啦~~~

材料:
菜乾, 紅蘿蔔, 排骨 (個名都講左.. 得3樣野...) hahaha... 

做法~~~
1. 所有材料洗淨
2. 菜乾重複浸洗...因為菜乾容易有沙石.. 有蟲..有硫磺... 所以要處理得好d!!
3. 紅蘿蔔刨皮, 洗淨, 切段
4. 排骨汆水~
5. 所有材料煲 30mis.....搞掂!!

只要你一返到屋企就整左個湯先.. 之後整其他野...
煮得2個菜黎... 個湯都飲得lu~~~~ 好方便之嘛... 係咪??

呢個係清新版菜乾湯... 自然就有濃味版啦~~~ 不過都係用 30mins 就可以完成架~~~
下次再 share... :) 

可以去 Facebook搵我丫~~~*
https://www.facebook.com/kpigkitchen

或者去 SeeWide search "K小姐" 就搵到我架喇...
http://www.seewide.com/

滑嘟嘟~~【冰糖鮮奶燉蛋】*

天氣凍凍地咁.. 硬係想食多d野咁… haha!
冬天果然係養脂肪既最好季節~~~

食飽晚飯~突然想整個甜品食下..

打開個雪櫃~~ ummm.. 已經搵到最簡單既材料~呵呵!

一於整個【冰糖鮮奶燉蛋】*

(2人份量) 材料只需要: 牛奶1碗, 蛋2-3隻, 冰糖小小

做法~易到無朋友~ 味道絕對容易控制~ 最要注意既只係整得滑唔滑~

1.     將牛奶用中細火煮熱~(係熱..唔係大滾…)

2.     加入岩自己份量既冰糖

3.     待糖溶晒係牛奶度, 就可以裝起, 攤凍小小…

4.     發好蛋之後, 將蛋液過篩加入牛奶中 (會滑d架)

** (自己留意溫度啦…無理由d奶熱辣辣都照加入去整熟架嘛)… =.=”

5.     拌勻, 倒入容器, 用匙羹取走蛋汁面果d泡泡~~

6.     用保鮮紙封住碗面…熱鑊煲滾水, 滾起後轉中火先放鮮奶燉蛋入去, 用中火隔水蒸 8-10分鐘 (如果用大火蒸, 會容易老.. d蛋無咁滑架~~~)

最緊張既時刻就係… 完成後揭開保鮮紙果一刻~!!!*

見到成品滑一滑~~~ 真係好開心!! ;都幾有滿足感架~~* hehee!!

食完個暖笠笠~ 滑嘟嘟既【冰糖鮮奶燉蛋】~覺得自己好幸福~hahahaha!!

可以去 Facebook搵我丫~~~*
 https://www.facebook.com/kpigkitchen

『網購威力』

上網見到呢個 hello kitty 飛碟機真係雙眼放光!!

真係好靚呀!! 其實 “飛碟機” 已經算係實用.. 

至少早餐同 tea 都可以用到..

可以考慮下….呵呵… 

另外, 又見到一部家居棉花糖機….

Omg!! 外型靚到暈…又有得玩, 有得食...

不過, 呢個產品, 對我黎講係屬於 “＜可遠觀而不可褻玩焉＞系列*!‼

如果買左就好大機會用兩次就打入冷宮…

如果有小朋友既家庭就不妨考慮一下..

我覺得呢個可以同小朋友一齊玩.. 應該都幾開心.. 

aiya… 女人.. 真係唔出街都可以買到野.. .hahaha!!!

宜家網上購物既威力實在係太大喇~~~~~~~~

K Pig Kitchen Facebook* https://www.facebook.com/kpigkitchen

「黃面婆」vs「稱職賢妻」

別人口中的「黃面婆」

洗衫、煮飯、做家務…就係「黃面婆」?

基本上我認同一半…

咁樣..分別又係邊度???

除左洗衫、煮飯、做家務之外, 作為一個稱職賢妻, 首先..唔好封閉自己係師奶既圈子同世界入面, 要保持唔好脫節..同另一半之間先會有良好既溝通。

總不能夠日日將以下說話掛係口邊… 「哎也..(高8度)..今日菜心貴左 $2斤, 宜家d菜呀! 越黎越貴囉(個 “囉”字係拖長20秒)」你叫人地點接落去先…

「黃面婆」既世界就係有: 陳師奶、何師奶、張師奶、街市、印花、換煲…仲有佢架寶馬--買餸車!!

呢d野充斥住每日既生活..唔變黃面婆就假…

有blog友話過, 自己既另一半好似覺得煮飯比佢食好似 “老奉” 咁.. 呢樣野我覺得各有一半責任 (當然唔可以一概而論啦..) 如果你日日豉汁蒸排骨, 炒菜.. 我都無反應..齋食就算啦。

我明白日日煮, 好難諗..買黎買去都係豬、牛、雞、魚…

所以, 真係要試多d唔同既野, 有多d新意, 大家都開心~~ (不過係要互動既, 都要個男人肯同你交流..所有關係都係雙向既~) 

當然「稱職賢妻」都會留意特價野, 但係請搞清楚 “精明消費”同“特價瘋搶”係2樣野黎架下…

好簡單, 即係「稱職賢妻」唔會去搶鹽…同埋打風唔會去搶米…

我無意思去貶低「黃面婆」, 我知道呢個角色唔易做… 但係我好鼓勵太太們多d同社會接觸.. 女人唔易做..大家都要努力!!

K Pig Kitchen Facebook: https://www.facebook.com/kpigkitchen

『牛油蒜蓉蜆肉意粉』

一直唔喜歡用意粉醬, 所以每次都係自己整..

有blog友話佢通常都用罐頭湯黎整意粉個汁..

我就未試過, 但係想像到應該會幾好味.. (haha, 我都幾鍾意罐頭湯既味道..)

不過自己煮..又好似開心d咁… haha!

Mr.R 要求食蒜蓉意粉… (我有d出奇.. 竟然唔order 白汁???)

近幾年, 佢食野方面的確比我影響左好多..一黎清淡左, 二黎嘴刁左…

宜家食完餐飯, 會比意見架…… =.=”

今次整左個『牛油蒜蓉蜆肉意粉』, Mr.R 買左包全麥意大利粉..

未試過… 就試試佢係咩味道…

煮意粉就唔多講啦… 都係淥架姐..

不過之前有 blog友提問過, 點解意粉淥好耐都唔淋~

tips* 水滾之後, 煮 5-8分鐘, 就可以熄火..蓋上蓋焗一陣就淋架喇…

今次意粉材料: 蜆肉, 本菇, 蒜蓉, 牛油, 芝士

做法:

1.       蜆肉解凍洗淨, 本菇洗淨

2.       切好蒜蓉 (我覺得有粗粒有幼粒會比較有口感)

3.       本菇先汆水

4.       牛油起鑊, 炒香蒜蓉, 加入蜆肉同本菇

5.       炒熟後加入意粉及碎芝士 (卡夫芝士撕碎都得~)

6.       細火整到芝士熔左, 拌勻就ok喇~~~~

*加芝士除左好味d之外, 仲可以令蒜蓉黏係d意粉度, 食落就更加香喇~~

K Pig Kitchen Facebook: https://www.facebook.com/kpigkitchen

<下廚樂>

由 yahoo 搬左過黎之後, 產量比以前更少, haha..
因為我到宜家都仲未係好熟個blogspot,

呢排都收到 email 同 inbox, 原來好多女仔想學點煮野食,

但係又唔知應該點樣學起,

其實方法只有 “多試多煮多睇”, K小姐又未叻到可以教人煮野食,

只係分享一下既心態.. 我都有同其他人交換心得架…

唔識就問下人… 

我由10幾歲入廚房煮第一個出前一丁開始都無真真正正咁學過..

只係“多試多煮多睇”.. 到宜家都總算不過不失…

Mr.R 曾經問過我 “點解我話想食咩, 你都煮到比我食ge?”..

呀!! 囧左……!! 真係唔識答wor…

其實只要身邊既人食得開心, 我就好樂意去煮…!!
<下廚樂> 真係要親身體會下先會明.. 大家都繼續努力啦!!!

K Pig Kitchen Facebook https://www.facebook.com/kpigkitchen

＜紅糖桂圓薑茶＞ :)

天氣開始凍喇...於是整左個＜紅糖桂圓薑茶＞~~~暖下身.
飲完真係好舒服!!

做法又係十分簡單~ 

材料: 紅糖/黑糖, 桂圓, 薑

做法: 

1. 水煲滾 (因為通常都唔會留過夜, 以免浪費, 要好好預份量呀!!)

2. 薑洗淨(去唔去皮都無問題), 切厚片, 拍一拍佢

3. 桂圓洗淨略浸

4. 加入 (2) & (3), 中火煲 20分鐘

5. 加入紅糖/黑糖調味, 中細火再煲 20分鐘

呢個茶好有益, 有助改善手腳冰冷, 如果唔用桂圓可以用紅棗, 多d飲仲可以補補血~令面色紅潤* 一家人都岩飲, 但係小朋友就未必鍾意薑味喇...

紅棗/桂圓, 只係揀一樣就足夠喇..唔好咁貪心...

【桂圓肉】有補心脾、益氣血既作用，傳統補血良方之一~~~~

【生薑】生薑, 大家都知道薑茶可以防風寒...此外~薑仲可以調胃, 止嘔, 溫肺止咳 & 解毒。而薑辣素有促進血液循環既功能, 四肢冰冷既人如果適量食用可以改善問題。

Facebook 睇睇~~  https://www.facebook.com/kpigkitchen

【剁椒魚頭】:)

【剁椒魚頭】

材料:
大魚頭(開邊或切件), 剁椒醬, 蒜頭, 薑, 蔥花, 指天椒
調味: 鹽, 生粉, 米酒

*剁椒醬可以自製或者買現成既~~(得覺得自製既係香好多, 最緊要係無味精丫嘛~~)

1. 魚頭洗淨, 加入鹽, 米酒及生粉醃大約 10-20mins. (唔駛落太多, 因為剁椒本身都有咸味)
2. 蒜頭, 薑, 蔥花, 指天椒切碎
3. dd油落鑊, 爆香蒜頭, 薑, 再加入剁椒醬&指天椒炒香~
4. 將已炒香既 (3) 均勻鋪係魚頭上(亦可以略為拌勻), 再醃30-60mins. (醃得愈耐當然愈入味)
5. 隔水蒸約10mins (視乎份量)6. 鋪上蔥花, 淋熟油&少少豉油, 就完成~~~~

*剁椒睇落辣~其實就唔太辣既, 我就覺得幾開胃… 你都試下煮啦~

K Pig Kitchen Facebook~ https://www.facebook.com/kpigkitchen 

清熱袪濕冬瓜湯*

K小姐係勁鍾意飲湯o既人, 覺得湯水真係好緊要!!好多人覺得煲湯...只係將所有材料放入水度..煲煲煲煲煲...幾個鐘就飲得...其實...都唔係咁o既... 都要知道到底d材料有咩用..同埋應該點揀材料架~~~

宜家天氣咁熱...日日都熱到溶咁滯.... 而且hk人..平時個個都成日飲凍野, 好多時都會積聚左好多濕氣..今次講呢個湯就可以..消暑清熱去濕.. 好有益  又好味...,要飲多兩碗!!!

清熱袪濕冬瓜湯*材料：冬瓜、豬骨、粟米、赤小豆、扁豆、生薏仁、茨實、葛根、玉竹、陳皮、蜜棗
冬瓜: 能清熱化痰, 除煩止渴, 利尿消腫..能利尿和促進水分排洩, 有效清除熱毒及清熱氣
赤小豆: 對排尿, 去水, 除濕及消腫解毒有顯著效果扁豆: 健脾化濕, 清暑解渴, 和胃, 助消化及清熱去濕

我地FACEBOOK見啦~~* K豬小廚房 :)

叉燒醬排骨* :)

叉燒醬排骨*  R先生大讚呀..HEHEE~~~

材料:
李錦記叉燒醬, 排骨 / 金沙骨麥芽糖 / 蜜糖 , 紹興酒, 生抽, *生粉
鹽, 糖, 水, 油 

做法:

1. 先把排骨沖水, 因為如過汆水的話會令排骨太硬, 所以用沖水o既方法去咁d豬肉o既羶味2. 排骨洗淨抺乾, 落叉燒醬, 紹興酒, 生抽, 鹽, 糖, 水, 油 先醃15分鐘左右, 再加生粉撈勻, 醃最少2 小時3. 平底鑊中加入油加熱, 加入排骨煎香, 煎好後撈起備用
    *記得唔好用炒o既方法, 要煎先可以保留住肉汁~ 仲要記得留意, 因為有醬汁o既關係會容易燶~小心小心..

4. o係平底鑊加入一匙叉燒醬, 小小糖, 小小水, 有小小滾就落排骨兜勻, 加多小小水炆一陣,至排骨熟透

5. 最後加入麥芽糖 / 蜜糖 調味, 煮至收汁, 上碟~~
    *K小姐喜歡用麥芽糖多d, 因為味道較香~~~ 同埋不建議用生粉水埋芡..無咁好味o架~

     嘗試盡量自己控制水份, 寧願逐d加, 都唔好一次落太多搞到水汪汪.. 呢個汁太稀唔好味..        呢個汁做得好的話, 撈飯真係一流

其實呢個recipe 已經爭左人2日... 有好多朋友問點整..有個friend話本身已經買左排骨..但係等唔到我份食譜, 最後整返豉汁蒸排骨..(令我有d唔好意思)...sorry~~~sorry 
皆因R先生今晚起要出差, 所以前2晚都捉左我去睇戲..想陪多d我...haha... 

夜左返...所以無時間打recipe...係喇係喇...今次係我重色輕友喇

希望你地都快d試煮呢個*叉燒醬排骨啦~~

我地FACEBOOK見  https://www.facebook.com/kpigkitchen